يالعين يالعين خلي ذا السهر كله

يالعين يالعين خلي ذا السهر كله
على الذي عشرتك برخيص باعوها

كثر السهر ياعيوني زود العله
والناس لو تعرف الاسرار شاعوها

خلي هجرني ومني ماحصل زله
لا واحسايف أعز الناس سووها

دمع نثرته خساره ما أنت كفوله
ينلاع قلبي الى سيرتك جابوها

قلبي حشا بعدها ما واحد حله
راضي بناره عقب فرقاه شبوها

تكفون ياللي عرفتوا الطب والعله
اجروح قلبي بعد فرقاه داووها

مانيب انا اول حبيب قد بكى خله
ياكثر ناس هموم الحب ذاقوها

إهداء لكل خاينه