قصيدتي بعنوان (يا طاهرة)

يا طاهره

(بوميعاد)











يا بنـت أنا ماني كذا وظنونـك تكّـذب عليـك
كلّي عيـوب وماقوت تخجلني ظنونك iiوأتـوب
أكذب عليك ودوم أخونك وألبس الأبيض وأجيك
وأعشق معك ألفيـن وجه ويمتلي صدري قلـوب
أحلى الكـلام أقول لك لو قلته البـارح iiلذيـك
ياقف على شفاهـي معك مراهـقِِ صبِ iiلعـوب
أكـذب ولا أدري ليه أكذب أعشقـك ما أرتجيـك
أخاف من صدق الحقيقة في الهروب من الهروب
والله أحبـك وأعشقـك وأعرف زمان اني أبيـك
لكنهـا هـذي الحيـاة اتعلمـت منا الـذنـوب
العيـن عجزت تعتقـك القلـب عيّـى iiيشتريـك
في السجن خيّال وفي في الصدر رجـّال iiكـذوب
هذي الحقيقة ما يجي في الكـون أطهر من iiيديك
وانا الذي أنقض وضـوء الغيم والما والهبـوب
أنقل عيوبي فوق متني وانت لك عيبـك شريـك
وباكر تبسـم لي وجـيه لك يعبسها iiالشحـوب
يا طاهـره حنا كذا المظهـر يكـذب عليـك
يمكن يجي يوم أخجل من ظنونك iiوأتـوب