الرئيسيةالتسجيلالبوابةمكتبة الصورس .و .جبحـثدخول

شاطر | 
 

 اهداء الى اصدقاء منتدى مملكة الورود

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
(بوميعاد)
مشرف قسم
مشرف قسم


ذكر
عدد الرسائل : 334
العمر : 30
الأوسمه :
تاريخ التسجيل : 15/03/2008

مُساهمةموضوع: اهداء الى اصدقاء منتدى مملكة الورود   6/8/2008, 7:42 am

اهداه الى الاصدقاء

اليون تالي الليل لا بد عله اسباب
لو دهر موجر بيه لو ذاجر أحباب
*****
ظل ابجي طول الليل ابدن ما أهزك
لو جنت ابن هواي جان اشمعزك
*****
أتنخه بالنسوان خيه أبجن أبجن
نوبه عله ولفي الراح نوبه عله هلجن.؟
*****
شيخصهه بيه الناس رجلي أرد أجويه
يركض وره اليمشون صاير طبع بيه
*****
ربي انتجلت عليه ...جوزني حايج
يتعاركن رجليه مثل الشرايج
*****
شو دمش عني غاد ول ول يبو أركب
ليهّ ما يخلقك زين من كون ألك رب...؟؟؟
*****
يا من تبدل وياي رجلي برجلهه.؟
ونعادل أبميزان والزايد الهه
*****
لو تون لو ترتاح لو تلزم الباب
جنك جدع ممدود ما بين الاحباب
*****
*****
عود أبعدت واسلاك غمك لهالراي
تعرضلي وكت الزاد وبشربة الماي
*****
حبله وأهز كاروك سبعه لي اللعبون
ما جوز آنا من هواي كلكم تشهدون
*****
من زار رجلي وجاي أنسلت خيطه...؟؟؟
خليني وي اهواي أخذلي ميطه ..؟؟؟
*****
العتب موش عليك عتبي عله لعكال
شوماكلت من أول شوط مابيه تطوال..؟؟؟
*****
والبيدي والبلكاع وعله امتوني
ماجوز انا من هواي لو كطعوني
*****
عمتك زينه وياك عمتي اشعمه
حته الهوه من هواي ما ترضه اشمه
*****
همي وهم هواي وهم الله فوكه...؟؟؟
تفتر عليه الناس جن عندي بوكه
*****
هواي أريد هواي هواي أريده
ما كوم آنا مناه ألا أيدي بيده
*****
ظل أبجي ما خليك ترضع حليبي
أنت وابوك تروح فدوه الحبيبي...؟؟؟
____________________________________
شماتي موشمات شماتي مني
ماهمني الجتال همني الدفني
*******
خل تفزع الشمات فزعه جبيره
بس أنته كون أوياي أكسر عشيره
*******
أجلد أبممشاي ناحل تراني
خوفي من الشمات مو من زماني
*******
أصفك الراح براح وأتسله بالراح
خايف أكولن راح شماتي ترتاح
*******
ميت والمعزبات موش أمهاته
بالكلب فرحانات يبجن شماته
*******
يليّ تنكط الماي غمضني وطلع
تسكتلي النسوان لا واشي يسمع
*******
حيل وبله ويه الروح كل مايجيها
حتى آنه من الناس شامت عليها
*******
أصبر واشوف شلون حكم الله وياي
خاف أمن اكولن آه تتشمت عداي
*******
أهوايه أزامط بيك أهواي كلش
لنك ويه الشمات ! بيدك تفلش
*******
هلهل يشامت حيل وخل يسمعونك
ضعن الأحبه شال كرة اعيونك
*******
آني أحب كل نمام جه يوشي لهواي
يحمرن الوجنات من يعتب وياي
*******
أبني وادك بالساس صار أثنعش عام
فلشه الواشي بيوم خل ترضه الاسلام
*******
لا واشي لا نمام يدخل عليه
أهلا وسهلا بيك من تطب ليه
*******
بيدي وكرضه الفار فجت عباتي
وتشمتن ياحيف أمي وخواتي
*******
ومر يوما الشاعر الكبير الراحل عبد الحسين ابو شبع النجفي في مقبرة النجف وادي السلام وصادف ان وقعت عينيه على شاهدت قبر الشهيد حسين محمد الشبيبي /حازم/فقال لصاحبه عبد علي الشرقي سجل يارفيقي
عيوني تعاين عل الدرب وتراب
وروحي مايهمها الخطر وتراب
الشامت يرى كبرك حجر وتراب
ويرى التاريخ كبرك مزهريه
*********************
ما تنسمع رحّاي بس آيدي أدير
أطحن بكايه الروح موش أطحن اشعير
*****
أطحن واكضي الليل عن المأ ريده
بالكذله أصبح شيب من مدة ايده
*****
موش أطحن شعيرات أطحن بهمك
أكعد ودور الروح تلكاهه يمك
*****
ما تنسمع رحّاي بس بجيّ مسموع
جاتلني والله هواي ما منه مرجوع
*****
متحزمه وانكل شوك (للفود)أدفيه
بغشيش ألك يالموت؟من عندي دخفيه
*****
ضيجة خلك بالبيت رجلي آنه اشوفه
صاحت علىّ الناس جن أرد اعوفه
*****
الودر..؟ جاني ينام والشمس عدله
والله بجلب مجلوب لوصح أبدله
*****
وين اليفك مظلوم وين الله وينه
يتركرك عله جلاي هذا الحضينه
*****
أتكلي أمي اخذيه اكرع وشايب
أتلمس بعلباه مامش كصايب
*****
زفوني نص الليل للبرد حيله...؟
حبني وترسني اتفال من وره الشيله
*****
الحجي بس وياي ناكص بالعيار
كلهن يكسرن جوز وآنه أكسر حجار
*****
كل الشيوب التموت شيبه يتجدد
رآيه وسبع خرفان يومن تمدد
*****
كالولي رجلج مات موتة جلبنه...؟
النخل بيه جريد والصاري عدنه..؟؟؟
*****
أيكلي همي العشه خلينه نشبع نوم
الما تريده النفس جالشركه بالزردوم
*****
يا فلان اجاك وليد حظك غلبني
اوصل لباب الدار يبجي ويردني
*****
يا نغل ولد(أعفين )بالشط من ارميك
لوجنت أبن هواي بالعين أخليك
*****
أرجه اليموت يعود روحي أمهبوله
طبكت عليه الكاع ما بعد أنوله
*****
كلجن يمظلومات للكاظم امشن
ويم سيد السادات فكن حزنجن
*****
شايله فرخ(لكعيم ) مالج يابطني
ربطة شفج بعذار ربي ربطني..؟
*****
آخذله دمع العين وأصعد للأزرك...؟؟؟
لو ينعل الشيطان لو يجسم ! الحك
*****
جيبولي جدر النيل خل اصبغ الثوب
تو أيس الدلال منهم فرد نوب
*****
مثل الجدع ممدود مطلوني يمه..؟
كلما يجي ويروح بيدي أغمه
*****
ريت العمامه أحدار كش ول يامومن..؟؟؟
من كونه موش هواي لكبع وكومن
*****
وينج ووين الرجل بعدج زغيرونه
عيونج فشك مستحه للحرب يريدونه...؟؟؟
*****
خطار أهلنه منين هاشم يديه
بس لا تكوليش لا خطاب اليه
*****
مو كلشي نتمناه يوكع بدينه
أحنه السفن والريح تلعب علينه.؟
*****
آي والعرش واللوح والبلعته الحوت
نارك بلب أحشاي تلتهب للموت
*****
والحجر وأهل البيت والحج والحرام
كل ساعه من فركاك(يشكر )بالف عام
*****
غصبن عله الروح جابتني اشوفك
جثر الهه بالصدعات بلجن تعوفك
*****
مهضومه جيت أنخاك كلهم ولوني
لالي ولي بهل دار أهلي نسوني
*****
وشبعد وشخليت تنغط يالغراب
تنذجر ماتنشاف خليت الاحباب .؟
*****
كالولي منهو ذاك كلتلهم هواي
شنهو العلامه البيه.؟رف كلبي وجلاي
*****
ما نمت ربع الليل نشدوا ألمخده
وآنه حلمت بهواي خدي عله خده
*****
أحزن حزن معدان وارجي العصابه
ويه أم رجل وفروخ عوجه الطلابه
*****
يا مجوره وين تردين زينه نزلنه
كل أحنه نمشي وياج ونعوف أهلنه
*****
اليون تالي الليل لا بد عله اسباب
لو دهر موجر بيه لو ذاجر أحباب
*****
ظل ابجي طول الليل ابدن ما أهزك
لو جنت ابن هواي جان اشمعزك
*****
أتنخه بالنسوان خيه أبجن أبجن
نوبه عله ولفي الراح نوبه عله هلجن.؟
*****
شيخصهه بيه الناس رجلي أرد أجويه
يركض وره اليمشون صاير طبع بيه
*****
ربي انتجلت عليه ...جوزني حايج
يتعاركن رجليه مثل الشرايج
*****
شو دمش عني غاد ول ول يبو أركب
ليهّ ما يخلقك زين من كون ألك رب...؟؟؟
*****
يا من تبدل وياي رجلي برجلهه.؟
ونعادل أبميزان والزايد الهه
*****
لو تون لو ترتاح لو تلزم الباب
جنك جدع ممدود ما بين الاحباب
*****
أرد اللعب بدنايّ ما طالت ايدي
الفكر والشبعان خامه أبمجيدي
*****
عود أبعدت واسلاك غمك لهالراي
تعرضلي وكت الزاد وبشربة الماي
*****
حبله وأهز كاروك سبعه لي اللعبون
ما جوز آنا! من هواي كلكم تشهدون
*****
من زار رجلي وجاي أنسلت خيطه...؟؟؟
خليني وي اهواي أخذلي ميطه ..؟؟؟
*****
العتب موش عليك عتبي عله لعكال
شوماكلت من أول شوط مابيه تطوال..؟؟؟
*****
والبيدي والبلكاع وعله امتوني
ماجوز انا من هواي لو كطعوني
*****
عمتك زينه وياك عمتي اشعمه
حته الهوه من هواي ما ترضه اشمه
*****
همي وهم هواي وهم الله فوكه...؟؟؟
تفتر عليه الناس جن عندي بوكه
*****
هواي أريد هواي هواي أريده
ما كوم آنا مناه ألا أيدي بيده
*****
ظل أبجي ما خليك ترضع حليبي
أنت وابوك تروح فدوه الحبيبي...؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اهداء الى اصدقاء منتدى مملكة الورود
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الخواطر الرومنسية-
انتقل الى: